موادع في رجاك الياس لكـن صعـب نسيانـك

موادع في رجاك الياس لكـن صعـب نسيانـك
تفرقنـا مثـل ماجمعتـنـا صـدفـه الاقــدار

انـا فـي ناظـري دمعـه تعاقبنـي لفقـدنـاك
واشوف الهم في الخافي سرى من جنتـك للنـار

معـي ذكـرى لكـن فاقـد شوفـك وعنوانـك
بلا موعد تفارقنـا ولا ادري بعدهـا وش صـار

تسافر بي على الذكرى جروح الصمت واحزانك
واسافربالـدروب التايـهه ووقـف بهـا واحتـار

معك تغرينـي البسمـه وروعـه كلمـه لسانـك
ويبقى من صدى الكلمه لصوتك في حشاي اسرار


زرعت الحـب فـي قلبـي وعزيتـه علشانـك
واخفي عبره المغرم واعيش بحسـره المشـوار

غريب ماشكى الغربـه بعـد ماعـاش باوطانـك
ورحت وصار من بعدك مع العالم غريب الـدار

موادع في رجاك الياس مهمـا طـال هجرانـك
اعيش الحب في قلبـي ويبقـى للزمـن تذكـار